Category Archives: Vjersha
Bubi dhe pulat
Pulat hanë,
në avlli,
sulet bubi,
me furi.
Ko, ko, ko,
ka, ka, ka,
bubi, bubi,
po na ha.
Pulat kotë,
frikë kanë,
bubi dhelprës,
nuk i ngjan.
Kali prej druri
Hi, hi, hi,
kam një kalë,
me zengji,
edhe me shalë,
Trak e trak,
trak e trak,
shkon me vrap…
Bar nuk ha,
as tagji,
Ujë ka,
po nuk pi.
Trak e trak,
trak e trak,
shkon me vrap…
Ka për fre,
një fill pe,
Është një kalë,
kalë prej druri,
dhe babi,
një shalë i vuri.
Trak e trak,
trak e trak,
shkon me vrap…
Atdheu
I mora A-në atit,
në të ishte dhe nëna,
i mora T-në tokës,
në të ishte edhe zemra,
i mora D-në detit,
në të ishte dhe qielli,
i mora H-në hënës,
në të ishte dhe dielli,
i mora E-në erës,
në të ishte dhe shiu,
i mora U-në ujit,
në të ish’ dhe njeriu,
i lidha gjithë bashke
dhe gjeta,
ATDHEU-n.
Dele dele kucuvele
Dele, dele kuçuvele,
më ka blerë babi një dele,
ajo është dele rudë,
e ka leshin shumë të butë,
mua mami më ka thënë,
edhe fjalën ma ka dhënë,
kur të qethim delen o,
të bën mami një triko!
