Category Archives: Shtatzania

Infeksionet fajtore për sterilitet

Steriliteti është tani pjesë e jetës tonë të përditshme dhe është një nga problemet kryesore të shëndetit publik, me të cilën përballen shumë e më shumë njerëz. Çiftet, para se të fillojnë një sërë analizash nga më të ndryshmet, do të duhej të testohen për infeksionet e mundshme.

Steriliteti dhe mënyra e jetesës

Steriliteti mund të shkaktojë çrregullime metabolike, imunologjike, endokrine, mekanike dhe shumë tjera, për funksionimin e rregullt të trupit tonë. Ndikim të fortë në fertilitet ka mënyra e jetësës sonë – stresi i përditshëm, ushqimi i varfër, alkooli, duhani, një numër problemesh psikologjike, duke përfshirë edhe marrjen e tepruar të barnave të caktuara. Por një nga shkaqet kryesore që shpesh neglizhohet pa të drejtë, është infeksioni.

Fajtorët e zakonshëm

Ekspertët pajtohen se infeksionet tani janë ndër shkaqet kryesore të sterilitetit. Ky informacion ka të bëjë kryesisht me shkaqet e sëmundjeve seksualisht të transmetueshme, edhe pse në asnjë mënyrë nuk lejohet të injorohen shkaqet që nuk janë të transmetueshme gjatë marrëdhënieve seksuale.

Për shkak të pozitës tonë gjeografike dhe zvogëlimit të incidencës së patogjenëve të caktuar, është shumë e rëndësishme të dini se në çfarë duhet të kushtoni vëmendje të veçantë.

Nga shkaktarët bakterial më të rëndësishëm janë: trachomatis Chlamyidia (klamidia), mikoplazmat urogjenitale, vaginalis Gardnerella (shpesh në kombinim me Mycoplasma hominis dhe bakteret anaerobe të tilla si peptostreptokoka) dhe beta-hemolitik grupi Streptococcus B.

Shkaktarët e tillë si: pallidum Treponema (sifilis) dhe Neisseria gonorrhoeae ose gonococcus (gonorrea) tani janë shumë më pak të shpeshtë. Virusi HPV duhet përmendur (virusi human papilloma) i cili nuk është i lidhur drejtpërdrejt me zhvillimin e infertilitetit, por që mund të shkaktojë ndryshime në formën e qelizave jonormale në qafën e mitrës, rekomandohet testimi i rregullt për praninë e saj.

Trichomonas vaginalis i takon një grupi të parazitëve dhe mund të dëmtojë edhe kapacitetin riprodhues.

Rëndësia e njohjes së simptomave

Edhe pse disa infeksione kanë simptome të veçanta, pothuajse të gjithë mund të shkaktojnë të njëjtën pamje klinike ose shumë të ngjashme. Prandaj roli i mjekut është që në bazë të të dhënave të mbledhura, krijon dyshim të infeksionit dhe udhëzon trajtimin e mëtejshëm për të korrigjuar diagnozën.

Përveç inflamacionit të mitrës (vaginitis, dmth. Colpitis) ose vulvë (vulvitis), infeksionet e sistemit gjenital të femrës, përfshijnë një numër të sëmundjeve, që mund të ndodhin veç e veç ose në kombinime të ndryshme.

Inflamacioni i qafës së mitrës (cervicitis), pezmatimi i mukozës së mitrës (endometritis) dhe inflamimi në tubat fallopiane dhe vezore, shpesh e bëjnë një të tërë dhe ne e quajmë atë – sëmundje inflamatore e pelvikut. Madje 12 përqind e vajzave në adoleshencë, vuajnë nga ndonjëra prej këtyre sëmundjeve, kështu që kjo mund të rezultojë në zhvillimin e sterilitetit.

Në fakt, infeksioni që nuk është trajtuar, çon në krijimin e njollave dhe në bllokimin e tubave fallopiane, gjë që rrit rrezikun për paraqitjen e shtatzënisë jashtë mitrës dhe sterilitetin.

Anët e mira dhe të keqija të kontraceptivëve

Mbrojtja e shëndetit riprodhues përmes përdorimit të kontraceptivëve bashkëkohore është metoda më e besueshme e planifikimit familjarë

Kontraceptivët bashkëkohorë e rregullojnë ciklin dhe baraspeshën hormonale, ndërsa për një afat të gjatë zvogëlojnë rrezikun nga sëmundjet e ndryshime, paraqitjen e cistave dhe anemisë, ruajnë fertilitetin dhe në këtë mënyrë ruajnë shëndetin riprodhues të gruas.

A e dini se si quhen çiftet të cilët ndërprejnë metodat mbrojtëse kontraceptive? Prindër! Metoda është aq e rrezikshme dhe jo e besueshme sa ajo nuk duhet të përdoret, ekspertët me këtë bien dakord.

Mbrojtja e shëndetit riprodhues përmes përdorimit të kontraceptivëve bashkëkohore është metoda më e besueshme e planifikimit familjarë.

Në mënyrë që ta kuptoni cila ësjtë zgjedhja juaj e vërtetë, do të ju numërojmë anët e mira dhe të keqija të mjeteve kontraceptive të cilat janë të pranishme në rrethin tonë.

Marrëdhënia seksuale e ndërprerë

Anët e mira: Nuk ju shtrëngon prezervativi, prandaj ndjenja është më e mirë gjatë penetrimit.

Anët e keqija: Lëngu që rrjedh nga penisi para orgazmës përmban sasi të mjaftueshme të spermës për të mbarsuar një grua, pra, dmth. ndihmon në përmirësimin e natalitetit.

Numërimi i ditëve fertile

Anët e mira: Nëse zbatohen siç duhet, relativisht është e besueshme.

Anët e keqija: Herët apo vonë do të numërohen.

Tableta e kombinuar

Anët e mira: Efikase, rregullon baraspeshën hormonale dhe ciklin menstrual, problemet me vezoret policistike dhe aknet. Nëse jeni person i shëndetshëm me shprehi të shëndosha, mund ta përdorni gjer në dhjetë vite, me kontrolla të rregullta gjinekologjike. Ndikon në mënyrë preventive në ndryshimet beninje të gjirit dhe karcinomën e vezoreve në mbrendësi të mitrës.

Anët e keqija: Efektet më të shpeshta anësore janë ndryshimi i disponimit, dhimbja e kokës, të vjellat, ndjeshmëria e gjinjve, depresioni, dëshira e humbur seksuale, përgjumësia, mpirja, problemet e tretjes, dhimbja e muskujve, reaksionet alergjike, infeksione fungale … Tek gratë duhanpirëse, rreziku nga infrakti është pesë herë më e madhe, sidomos tek më të moshuarit mbi 35 vjeç dhe tek ato të cilët vuajnë nga mbipesha. Tek një përqindje e vogël e grave mund të krijohet mpiksja e gjakut në këmbë dhe në mushkëri. Tabletat mund të shkaktojnë edhe krijimin e gurëve, kanë treguar hulumtimet e reja. Nuk preferohet rrezitja, sepse krijohen njolla të errëta në lëkurë.

Diafragma

Anët e mira: Zakonisht është pa rreziqe shëndetsore.

Anët e keqija: Janë të mundshme gabimet gjatë vendosjes, por egziston mundësia që të lëvizë edhe gjatë kohës së aktit seksual. Nëse qëndron më gjatë se 48 orë në vaginë, mund të rris rrezikun nga shoku toksik.

Spiralja hormonale

Anët e mira: Zgjat tre vite. Është efikase, dhe pas heqjes së saj, gruaja shumë shpejtë mbetet shtatzënë. Rregullon gjakrrjedhjen e bollshme dhe të gjatë menstruale, shkurton ciklin dhe e bën më pak të dhimbshëm dhe të pakët, dhe mund ta përdorin edhe gratë duhanpirëse.

Anët e keqija: Mundësia e lëndimit gjatë vendosjes, mund të bie apo të ndërroj pozitën, cikli menstrual mund të bëhet më i bollshëm dhe i dhimbshëm nëse gruaja ka infeksion seksual të transmetueshëm, rritja e rrezikut të zhvillimit të procesit inflamator.

Prezervativi

Anët e mira: Nuk ka kontraindikacione shëndetsore, është i lirë dhe në dispozicion pa recetë të mjekut. Deri në një masë, mbron nga transmetimi i infeksioneve seksualisht të transmetueshme, mund të parandalojë ejakulimin e parakohshem, ndihmon në rastet e infertilitetit imunitar.

Anët e keqija: Të prirur për plasaritje, humbin efektin nëse mbahen për ditë të tëra në ambient të ngrohtë apo pranë trupit, furnizim i nevojshëm për ata që janë seksualisht aktivë.

A mund ta pengojë një lubrifikant konceptimin?

“Lubrifikanti më i mirë” për të konceptuar është puthja

Po. Hulumtuesit kanë gjetur se lubrifikantët vaginal janë toksik ndaj spermës dhe ndërhyjnë në rolin e mukusit cervikal.

Normalisht, sekrecionet acidike të vaginës e mbysin spermën, por alkalinet e mukusit cervikal prodhohen mu para ovulimit, për të mbrojtur spermën.

Lubrifikantët artificial parandalojnë spermën të kap shpejtë mukusin cervikal, prandaj ato mund të vdesin në hapësirën acidike të vaginës, para se të depërtojnë në mbrendi të mitrës.

Çdo lubrifikant artificial, qoftë i blerë në dyqan apo i gjetur në shtëpi (sikurse të bardhët e vezës apo vaji mineral), paraqet një problem të mundshëm.

“Lubrifikanti më i mirë” për të konceptuar është puthja. Gjeni kohë për t`iu kushtuar marrëdhënies tuaj. Kërkoni nga partneri juaj që t`ju dhurojë më shumë ledhatime, përqafime dhe puthje. Shumë femra thonë që ju duhen 15 gjer në 20 minuta nga ky lloj stimulimi për t`u disponuar.

Nëse edhe përkundër këtyre puthjeve, ledhatimeve dhe përqafimeve keni mukus minimal, atëherë provoni duke përdorur ujë të ngrohtë si lubrifikant. Uji nuk është toksik ndaj spermës dhe nuk do të ndërhyjë në aftësinë e spermës për të depërtuar në mitër.

Cilat medikamente e afektojnë fertilitetin?

Steroidet siç është kortizoni apo prednizoni, të cilët përdoren për të trajtuar gjendjet e tilla si astma apo lupusi, mund të parandalojnë gjëndrrën e tuaj të hipofizës të prodhojë mjaft hormone gjëndërr-stimuluese (FSH) dhe hormone luteinike (LH) për të ndodh ovulimi normal, por vetëm nëse ju merrni medikamente në doza të larta.

Disa medikamente të vjetra antihipertenzive ( më të njohurat siç janë Largactil dhe Aldomet), të cilat përdoren për të kontrolluar presionin e gjakut, mund të rrisin nivelet e prolaktinës dhe poashtu mund të ndërhyjnë në ovulim.

Pothuajse çdo medikament që ka objektiv sistemin nervor qendror si qetësuesit apo medikamentet parandaluese të krizave, mund të ndikojnë në prolaktinë dhe / ose në aftësinë e gjëndrrës së hipofizës për të promovuar ovulacionin.

Megjithatë, shumica e antidepresivëve modern nuk kanë ndikim negativ në ovulim apo fertilitet.

Shumë femra përdorin medikamente tiroide, por nëse përshkruhen më pak apo më shumë, mund të afektojnë ovulimin. Si dhe përderisa ju jeni duke provuar të konceptoni, shmangni përdorimin e kremave të lëkurës të cilët përmbajnë estrogjen apo progesteron. Edhe pse nuk është e mundur që lëkura të absorbojë përmes lëkurës mjaft hormone të tilla të cilat afektojnë ovulimin, prapë se prapë më së miri është të jeni të sigurta.

Doza e njejtë e lartë e steroideve e cila afekton ovulimin e femrave, mund të reduktojnë edhe numrin e spermatozoideve tek meshkujt. Pra, mundet edhe Sapazopirina e cila përdoret për trajtimin e kolitit. Edhe beta-bllokuesit që përdoren për kontrollimin e shtypjes së gjakut mund të shkaktojnë impotencë.

Përndryshe, shumë pak dihet për efektin e medikamenteve të përshkruara për fertilitetin mashkullor