Author Archives: admin

Bebja 40 Javesh

Si po rritet fëmija juaj?

Personaliteti i fëmijës tuaj është me të vërtetë duke u zhvilluar tashmë. Ai mund të jetë shumë social, duke dhënë buzëqeshje zemërgjera për të gjithë njerëzit që takon, ose mund të jetë pak më shumë i turpshëm, duke e fshehur fytyrën e tij, kur persona të panjohur për të, përpiqen ti afrohen e ta marrin për ta mbajtur. Foshnja juaj mund ti pranojë menjëherë me guxim personat e panjohur, ose mund të vlerësojë me kujdes situatën, përpara se të pranojë të tjerët. Ai mund të jetë i rrëmbyer ose të ndryshojë gjëndjen e tij të humorit menjëherë në mënyrë dramatike.

 

Fëmija juaj do të fillojë të bëjë gjeste për të tërhequr vëmendjen tuaj dhe madje mund edhe të valëvisë dorën e tij në shenjë lamtumire, kur ai ju sheh ju që drejtoheni për nga dera. Ai është gjithashtu duke zhvilluar një mendje të vetën, të cilën juve jo rrallë mund ta hasni kundër tuajës, kur jeni p.sh. duke u përpjekur për ta vënë fëmijën në ulësen e tij për makinë ose në karrocë.

Jeta juaj: Ngritja e gjëndjes tuaj shpirtërore

Ju nuk keni nevojë të bëni plane të mëdha për ngritjen e gjëndjes tuaj shpirtërore dhe për tu ndjerë më e freskët. Këtu janë disa ide për disa gjëra të vogla që ju mund të bëni për të rigjallëruar energjinë dhe entuziazmin tuaj:

• Praktikoni vazhdimisht ushtrimet joga. Këto ushtrime mund të jenë të lehta dhe ju mund të përshtateni me to shumë lehtë, në një moment të vetëm. Mos harroni të merrni frymë thellë. Nëse joga nuk është për ju, atëherë thjesht bëni 10 minuta aerobi.

• Bëni një dush. Ndizni disa qirinj, vendosni pak muzikë në sfond, dhe trajtojeni veten në mënyra të kushtueshme.

• Arratisuni nëpërmjet leximit. Koha e shpenzuar me leximin e një historie të një libri të mirë apo reviste, mund të shërbejë vërtet për të larguar mendjen tuaj nga e përditshmja, dhe gjithashtu mund t’ju ndihmojë për të mbajtur të stimuluar intelektin tuaj. Përfundimi i leximit të një libri (edhe pse duke lexuar vetëm disa faqe për çdo herë) mund t’ju bëjë ju që të ndiheni sikur keni kryer dhe përfunduar diçka për veten tuaj.

• Bëni ndonjë trajtim për veten tuaj – qoftë edhe vetëm një të vogël. Shkoni për një trajtim, në një sallon manikyri, pedikyri ose në një sallon për flokët.

• Dilni për të bërë pazar për veten tuaj. Edhe nëse juve nuk blini asgjë, “pazari në dritare” (vetëm duke parë, pa blerë diçka) është argëtues dhe i këndshëm.

Këshilla për prindërit: Dushi për fëmijën tuaj

 

‘Unë e fus djalin tim foshnje, në dush bashkë me mua. Është më pak i lodhshëm se sa kur i bëj një dush vetëm atij, dhe është shumë më tepër i këndshëm’ – K.

Ndani këshillat tuaja.

Bebja 39 Javesh

Si po rritet fëmija juaj?

Lumi i fjalëve që fëmija juaj ka filluar të dëgjojë që nga lindja, tashmë ka filluar të punojë me magjinë e vet, edhe pse të kuptuarit e fjalëve të tij tani, ende shfaqen larg aftësive të tij për përdorimin e tyre. Gugatjet e tij tashmë janë kthyer në murmuritje, dhe ndoshta kanë filluar të tingëllojnë më shumë si fjalë e vërteta, si fraza dhe fjali. Fëmija juaj mendon se ai është duke thënë diçka, kështu që ai përgjigjet sikur është me të vërtetë duke thënë diçka!

 

Megjithatë, fëmija juaj ende vazhdon të kuptojë më shumë nga toni juaj se sa nga fjalët tuaja. Ai mund ta kuptojë se kur ju ka kënaqur juve, kështu që jepini atij vazhdimisht lavdërime specifike, të tilla si: “Ti je një djalë i zgjuar që e kape vetë rraketaken”. Sa më shumë që flisni me fëmijën tuaj – ndërsa jeni duke përgatitur darkën për shembull, ndërsa jeni duke ngarë makinën apo duke u veshur – aq më shumë ai mëson mbi komunikimin.

Jeta juaj: Problemet shtëpisë

Kur ju arrini në pikën që rrëmuja në shtëpinë tuaj po ju shkakton stres, mbani në mendje tre fjalë shumë të çmuara: Ulni standardet tuaja. Është e vështirë të mbani ritmin e duhur me pastrimin, lavanderinë dhe organizimin e shtëpisë, në të njëjtën mënyrë si bënit përpara se të lindnit fëmijën tuaj, sidomos kur i vogli juaj është në gjendje të lëvizë dhe të shpërndajë lodrat nëpër shtëpi gjatë gjithë ditës.

 

Për të pastruar pak nga e gjithë rrëmuja, dhe për ta bërë veten tuaj të ndiheni më mirë, përpiquni të fokusoheni mbi objektiva specifikë dhe të arritshëm. Fillimisht kujdesuni për gjërat më të nevojshme, dhe pastaj kaloni në organizimin e shtëpisë tuaj në mënyra që do ta bëjnë më të lehtë jetën tuaj të përditshme – të tilla si organizimi i pajisjeve që ju duhen për ndërrimin e pelenave të fëmijës tuaj ose mbajtjen e lodrave në një vend të caktuar. Nëse është e mundur, siguroni pak ndihmë në pastrimin e shtëpisë tuaj. Pastaj bëni një plan veprimi – bashkë me partnerin tuaj – për të mbajtur rrëmujat e ardhshme në një minimum.

 

Kjo gjithashtu do ju ndihmojë për të folur mbi frustrimet tuaja edhe me prindër të tjerë. Ata me siguri do t’ju kuptojnë plotësisht, dhe madje mund të jenë në gjendje për të ndarë me ju disa këshilla të dobishme. (Vend i përkryer për ta bërë këtë është në komunitetin tonë.)

Këshilla për prindërit: Për fëmijën tuaj

‘Vajzës time i pëlqen shumë të rrëmojë në çantën time, por unë nervozohem shumë kur shoh se të gjitha gjërat e mia të rëndësishme janë të shpërndara nëpër dysheme. Kështu që unë i kam bërë asaj një çantë vetëm për të. Unë kam mbushur një nga çantat e mia të vjetra, me një telefon celular të vjetër, një portofol të zbrazët, një grumbull të vjetër çelësash, e kështu me rradhë. Ajo e pëlqen shumë atë’ – C.

Ndani këshillat tuaja.

Bebja 38 Javesh

Si po rritet fëmija juaj?

 

Gjatë kësaj jave, fëmija juaj do të fillojë të mbajë mend më shumë informacione specifike, të tilla si p.sh. në cilin vend janë lodrat e tij nëpër shtëpi. Ai do të jetë gjithashtu në gjendje që të imitojë veprimet që mund ti ketë parë që një javë më parë.

 

Këto aftësi tregojnë se fëmija ka kujtesë dhe mban mend – ka aftësi për të kujtuar disa detaje të një përvoje të veçantë për një kohë të shkurtër – edhe pse ai ende nuk i mban mend pjesën më të madhe të përvojave të veta. Kujtesa e ndërgjegjshme dhe e përhershme për ngjarjet specifike nuk do të zhvillohet deri në vitin e dytë apo të tretë të jetës së fëmijës tuaj, kur gjuha e vërtetë të zhvillohet tërësisht.

Jeta juaj: Stilet e ndryshme të prindërimit

 

Çdokush ka një stil paksa të ndryshëm dhe prioritete të ndryshme, kur vjen puna për të rritur fëmijët e tyre. Megjithatë, nganjëherë mund të jetë e vështirë për ju, që të mos flisni, kur shikoni një prind që e njihni, i cili është duke bërë diçka të cilën ju nuk do ta bënit.

 

Mos harroni se metodat e prindërimit janë shumë personale dhe se diçka që funksionon për ju mund të mos funksionojë për mikun tuaj. Gjithashtu mendoni se si ndiheni ju kur kritikoheni nga njerëz të panjohur duke ju urdhëruar që ti vishni një kapele fëmijës tuaj, ose të afërmit të cilët nuk pajtohen me mënyrat tuaja për të vënë fëmijën në gjumë apo me rutinat e të ushqyerit. Pyesni veten nëse ja vlen që ta ngrini si çështje diçka që ju irriton dhe ju. Shpesh nuk ekziston “përgjigja e drejtë”, por në fakt zgjidhje të cilat funksionojnë më mirë në situata të veçanta.

 

Ndonjëherë rruga më e mirë është të pajtohen me faktin që nuk pajtoheni. Mundohuni të shmangni diskutimin e pikëpamjeve të kundërta, dhe përqëndrohuni në rradhë të parë në interesat tuaja të përbashkëta, që ju kanë bërë mikesha. Nga ana tjetër, në qoftë se kjo metodë e mikut tuaj, prek fëmijën tuaj (sepse p.sh. ajo apo fëmija i saj, e trajtojnë fëmijën tuaj në një mënyrë që ju shqetëson – për shembull, fëmija i saj e qëllon ose kafshon në mënyrë të përsëritur fëmijën tuaj dhe mikesha juaj e injoron këtë sjellje), atëherë ju duhet të flisni për këtë. E njëjta gjë vlen edhe në qoftë se ju mendoni se ajo është duke bërë diçka që rrezikon fëmijën e saj – ajo mund të mos ketë informacion sa ju dhe mund të mos jetë në dijeni të rreziqeve të mundshme. Jini të ndershme dhe specifike në lidhje me shqetësimin tuaj. Në të njëjtën kohë, përpiquni të theksoni fort se ju jeni duke e bërë një bisedë për këtë çështje, për shkak se doni të qëndroni mikesha të mira. Nëse ajo nuk reagon, ju do t’ju duhet të vendosni për të bërë atë që mendoni se është më e mirë për ju dhe fëmijën tuaj.

Këshilla për prindërit: Ushqimet e ngurta

‘Fëmija im nëntë muajsh ka shumë dëshirë të ushqehet vetë, kështu që unë i jap atij disa feta mollë, dardhë dhe kajsi të gatuara pjesërisht me kanellë. Ato janë të lehta për ti mbajtur dhe atij i pëlqejnë me të vërtetë shumë.’ – B.

Ndani këshillat tuaja.

Bebja 37 Javesh

Si po rritet fëmija juaj

Tashmë mund të jetë e vështirë për ju, që të udhëtoni bashkë me fëmijën tuaj. Ai është familjarizuar deri më tani me ambientet e përditshme që e rrethojnë si dhe me fytyrat familjare, dhe i pëlqen parashikueshmëria. Kështu që të qënit në rrugë mund të prishë ndjesinë e tij të sigurisë dhe rutinës, veçanërisht kur viziton një vend të panjohur ose takon shumë persona të panjohur.

 

Në këtë moshë, fëmija juaj nuk e kupton mirë konceptin e udhëtimit, por ai do të kuptojë se ndodhet në një vend të ri, të çuditshëm. Kështu që, bëhuni gati për disa sjellje të çuditshme, dhe përgatisni shumë objekte për ta hutuar – libra me fotografi, lodra që bëjnë zhurmë, pellushë të vegjël, dhe pa dyshim objektin e sigurisë së tij, në qoftë se ai e ka një të tillë. Pak kohë e qetë larg nga të gjithë personat e huaj, do ta ndihmojë atë për tu ndjerë më mirë.

Jeta juaj: Vaktet e shëndetshme

Ngrënia e vakteve rregullisht është shumë e rëndësishme si për prindërit që janë të zënë me punë, ashtu edhe për foshnjat që janë në rritje. Këtu janë disa ide për vakte të shëndetshme:

Mbani ushqime të shëndetshme me vete. Kur mendoni të ndërroni çantën tuaj për ndonjë shëtitje, konsideroni paketimin e ndonjë vakti të lehtë e kalorik, për veten tuaj. Kjo gjë do t’ju ndihmojë ju për ti rezistuar ushqimeve me shumë yndyrë, me shumë sheqer, si dhe opsioneve shpesh të shtrenjta, të cilat mund t’ju tundojnë kur jeni jashtë.

Furnizohuni me vakte të shëndetshme e të gatshme. Në këtë mënyrë, ju nuk do të keni nevojë për të ndaluar dhe për të gatuar diçka, çdo herë që jeni të uritura.

Disa zgjedhje shumë të mira: drithëra me pak yndyrë, fruta të freskëta, ushqime të thata të fortifikuar me drithëra, zarzavate të freskëta, fruta të ngrira, qumësht dhe kos, të gjitha bashkë për një paketim të plotë me shumë vlera ushqyese, që do ju kënaqë.

Limitoni kafeinën. Kjo është veçanërisht e rëndësishme nëse ju jeni duke e ushqyer fëmijën tuaj me gji. Pini shumë ujë – të thjeshtë ose me gaz – për të mbajtur trupin të hidratuar, ose bëjeni vetë ujin aromatik sipas dëshirës, duke shtuar një sasi me lëng frutash ose duke i shtrydhur limon ose portokall. Çajrat bimorë, të nxehtë apo të ftohtë, janë gjithashtu shumë të shijshëm e me aroma të panumërta.

Këshilla për prindërit: Një dush i sigurt

 

‘Kur djali im u bë shumë i madh për ta vendosur në vaskën e tij, por ishte ende shumë i vogël për ta vendosur në vaskën e banjos së shtëpisë, ne e vumë atë në një legen plastik për larje rrobash. Kjo gjetje ishte e përkryer’ – A.