Author Archives: admin

Bebja 43 Javesh

Si po rritet fëmija juaj?

Fëmija juaj tashmë mund të ecë ndërkohë që mbahet duke shtrënguar duart tuaja, dhe ai do të zgjasë krahun ose këmbën e tij për t’ju ndihmuar juve kur jeni duke e veshur atë. Në kohën e ushqimit, ai mund të jetë në gjendje për të kapur një gotë me duart e tij, dhe për të pirë prej saj në mënyrë të pavarur (edhe pse disa fëmijë nuk munden ta bëjnë këtë edhe për disa muaj në vazhdim). Ai gjithashtu mund të jetë në gjëndje që të hajë vetë një vakt të tërë, duke e kapur ushqimin me duar.

 

Pasi fëmija juaj të jetë në gjendje për të pirë vetë nga një filxhan, ju mund t’ju duhet të tregoheni të kujdesshme, sepse pasi ai pasi të ketë pirë, mund ta vendosë filxhanin butësisht mbi tavolinë, por në të njëjtën kohë mund të vendosë që ta gjuajë atë.

Jeta juaj: Funksionimi me më pak gjumë

Askush nuk funksionon mirë kur nuk bën gjumë aq sa duhet. Këtu janë disa taktika të provuara dhe të testuara, për ato momente kur mungesa e gjumit ju mbërthen:

• Dilni jashtë për të marrë ajër të pastër. Një shëtitje e shpejtë në parkun pranë shtëpisë tuaj, mund të bëjë mrekullira.

• Edhe më mirë akoma, do të ishte nëse e çoni fëmijën tuaj për të bërë not. Kjo do t’ju rifreskojë juve dhe në të njëjtën kohë, do ta lodhë fëmijën tuaj, kështu që ju mund të bëni një gjumë më të mirë gjatë natës.

• Pini shumë ujë – dehidratimi mund ta përkeqësojë lodhjen tuaj.

• Merrni një sy gjumë kur mundeni. Një dremitje prej 15 minutash, ndërkohë që fëmija juaj fle, ose gjatë kohës tuaj të pushimit në drekë nëse jeni kthyer në punë, mund t’ju ndihmojë të ndiheni më energjike gjatë pasdites.

Këshilla për prindërit: Rutina e qëndrueshme

‘Unë mendoj se të mbajturit e një rutine të qëndrueshme, që nga lindja, është me të vërtetë një mënyrë mjaft e mirë për ta bërë fëmijën tuaj të ndihet i lumtur dhe i sigurtë. Vajza ime e vogël shkon në shtrat në orën 8 çdo mbrëmje dhe nuk njeh orare të tjera, kështu që ajo sillet shumë mirë në kohën e gjumit’ – L.

Ndani këshillat tuaja.

Bebja 42 Javesh

Si po rritet fëmija juaj?

Në këtë moshë, fëmija juaj mund të ulet me besim të plotë tek vetja, dhe madje mund të ecë duke u mbajtur mbi mobiljet e ndryshme të shtëpisë, ndoshta duke i lëshuar ato herë pas here për një çast dhe duke qëndruar në këmbë pa mbështetje. Ai do të hedhë hapa kur është duke qëndruar në pozicion ecjeje në këmbë, dhe gjithashtu mund të bëjë përpjekje që të ngrejë ndonjë lodër ndërkohë që është duke qëndruar në këmbë.

 

Këto hapa të parë magjikë drejt pavarësisë – dhe njëkohësisht më shumë punë e mundim për ju – janë shumë pranë tashmë, në qoftë se ende nuk kanë ardhur. Shumica e foshnjave i hedhin hapat e tyre të parë diku mes muajit të 9 dhe të 12, dhe fillojnë të ecin mirë rreth kohës kur ata janë 14 apo 15 muajsh.

Jeta juaj: Traditat e familjes dhe festimet

Kur ju keni qenë një fëmijë në rritje e sipër, çfarë ka bërë familja juaj për festat e Krishtlindjeve, Bajramit, apo festa e tjera fetare ose laike? Si i keni festuar ditëlindjet? A kanë filluar vaktet e ngrënies në familjen tuaj me një lutje, apo ju keni bërë diçka të veçantë gjatë verës? Ndërtimi i një familjeje, shpesh i bën çiftet që të fillojnë të mendojnë për ritualet me të cilat ata janë rritur, dhe se si ata mund të krijojnë ritualet e familjes së tyre. Edhe në qoftë se fëmija juaj ende nuk i kupton plotësisht ato, dhe nuk arrin ti vlerësojë, përsëritja e tyre në vazhdimësi, do të kontribuojë në një ndjenjë të sigurisë, të të qënit bashkë, dhe të krenarisë familjare.

 

Mos u ndjeni sikur juve ju duhet të zgjidhni midis traditave që familja juaj apo ajo a partnerit tuaj ka ndjekur gjatë kohës që ju keni qënë duke u rritur, veçanërisht në qoftë se ju do të duhet të zgjidhin traditën e njërës apo tjetrës familje. Ndërtimi i ritualeve mund të jetë shumë më kuptimplotë, nëse krijoni ide origjinale tuajat, ose personalizoni ato ekzistuese. Provoni të mendoni në lidhje me aktivitetet që familja juaj organizon, dhe krijoni ritualet tuaja që lidhen me to.

 

Ritualet mund të jenë të vogla dhe të shpeshta, si të lexuarit e një libri në kohën e gjumit apo nxjerrja e qenit për një shëtitje pas darke. Ose ato mund të sillen rreth festimeve të mëdha dhe ngjarjeve të veçanta. Gjithsesi, jini të kujdesshëm kur është fjala për festivale – pasi fëmija juaj mund të stimulohet më shumë seç duhet dhe mund të bëhet ankthioz me gjithë aktivitetet dhe veprimtaritë e organizuara, prandaj sigurohuni që ju të ndërtoni gjithsesi një kohë të mjaftueshme për fëmijën tuaj, në mënyrë që ai të pushojë dhe të relaksohet.

Këshilla për prindërit: Pizza-t e vogla

‘Vajzës time 10 muajshe, i pëlqen shumë djathi mbi pizza, por për ta bërë atë edhe më tërheqëse vizualisht, dhe me më shumë kalori, unë i vendos pure domatesh nën djathë, dhe pastaj i shtoj copëza të ndryshme toni, specash dhe këpurdhash’ – C.

Ndani këshillat tuaja.

Bebja 41 Javesh

Si po rritet fëmija juaj?

Pikërisht në këtë kohë, fëmija juaj është duke filluar të kuptojë shumë fjalë dhe fraza të thjeshta, kështu që është më e rëndësishme se kurrë që të vazhdoni të flisni me të. Filloni të flisni shumë, duke u përqëndruar kryesisht në modele të fjalëve të mira, duke i përsëritur fëmijës fjalët që ai thotë, por duke përdorur gjuhën e të rriturit, pra me fjalë të plota e të qarta. Nëse ai kërkon një “bah bah” për shembull, përfoconi butësisht shqiptimin korrekt të kësaj fjale, duke e pyetur: “A do një shishe”? Në këtë fazë, është më mirë që ju të përpiqeni për të shmangur tendencën për të folur duke përdorur gjuhën e foshnjave – kjo gjë mund të jetë zbavitëse për ju, por të dëgjuarit e shqiptimeve korrekte të fjalëve, është diçka më e mirë për zhvillimin e fëmijës tuaj.

 

Edhe pse ndonjëherë mund të duket si pa kuptim, bisedat me fëmijën tuaj janë një mënyrë e përkryer për të nxitur dhe zhvilluar aftësitë e tij gjuhësore. Kur fëmija juaj flet duke nxjerrë nga goja një fjali me dërdëllisje, ju mund ti përgjigjeni duke i thënë: “Oh, vërtet? Shumë interesante”. Ai ndoshta do t’ju buzëqeshë dhe do të shmangë dërdëllitjet e mëtejshme.

Jeta juaj: Shmangia e dëmtimeve që vinë nga mbajtja e fëmijës në krahë

Një fëmijë që rritet, do të thotë më shumë mund për ju, për ta mbajtur në krahë, dhe në të njëjtën kohë, një rrezik më i madh për tërheqjen apo sforcimin e muskujve. Por duke qenë më shumë vigjilent, ju mund të zvogëloni rrezikun e dhimbjes apo të dëmtimit të muskujve:

• Kur ju të ngrini fëmijën tuaj, gjithmonë përkulni gjunjët dhe pak trupin tuaj, në vend që të paloseni mbi belin apo mesin tuaj. Për ta marrë atë nga krevati tij, nëse është e mundur fillimisht ulni krahët anësorë të krevatit.

• Në rastet kur ju doni të mbani fëmijën tuaj gjatë kohës që jeni në lëvizje, investoni në blerjen e një xhepi fëmijësh të mirë, që e shpërndan peshën e fëmijës tuaj në mënyrë të barabartë dhe nuk e sforcon qafën tuaj ose kurrizin. Shiko për mundësinë e blerjes së një xhepi me rripa të gjerë dhe të mbushur.

• Në qoftë se jeni duke e mbajtur fëmijën tuaj vetëm me njërin krah, përpiquni të alternoheni midis krahëve tuaj herë pas here, në vend që ta mbani atë duke përdorur të njëjtin krah gjatë gjithë kohës.

• Në përgjithësi, kjo është gjithashtu një kohë e mirë për të forcuar pak më shumë muskujt tuaj të shpinës. Kërkoni për stërvitjet e përditshme aerobike dhe ushtrimet e forcës, sidomos ato të projektuara posaçërisht për shpinën.

Nëse ndjeni se keni pësuar ndonjë sforcim, një dush i ngrohtë mund t’ju lehtësojë disi, ashtu sikurse edhe ndonjë masazh i mirë. Provoni disa ushtrime për lehtësimin e dhimbjeve të cilat mund ti bëni vetë, në mënyrë që të reduktoni plagët, para se të shkoni në shtrat.

Këshilla për prindërit: Mbajtja e fëmijës në xhep

‘Ende mendoni se duhet të digjni disa kalori? Vendoseni fëmijën tuaj në një xhep shpine, dhe shkoni për një shëtitje të gjatë.’ – S.

Ndani këshillat tuaja.

Bebja 40 Javesh

Si po rritet fëmija juaj?

Personaliteti i fëmijës tuaj është me të vërtetë duke u zhvilluar tashmë. Ai mund të jetë shumë social, duke dhënë buzëqeshje zemërgjera për të gjithë njerëzit që takon, ose mund të jetë pak më shumë i turpshëm, duke e fshehur fytyrën e tij, kur persona të panjohur për të, përpiqen ti afrohen e ta marrin për ta mbajtur. Foshnja juaj mund ti pranojë menjëherë me guxim personat e panjohur, ose mund të vlerësojë me kujdes situatën, përpara se të pranojë të tjerët. Ai mund të jetë i rrëmbyer ose të ndryshojë gjëndjen e tij të humorit menjëherë në mënyrë dramatike.

 

Fëmija juaj do të fillojë të bëjë gjeste për të tërhequr vëmendjen tuaj dhe madje mund edhe të valëvisë dorën e tij në shenjë lamtumire, kur ai ju sheh ju që drejtoheni për nga dera. Ai është gjithashtu duke zhvilluar një mendje të vetën, të cilën juve jo rrallë mund ta hasni kundër tuajës, kur jeni p.sh. duke u përpjekur për ta vënë fëmijën në ulësen e tij për makinë ose në karrocë.

Jeta juaj: Ngritja e gjëndjes tuaj shpirtërore

Ju nuk keni nevojë të bëni plane të mëdha për ngritjen e gjëndjes tuaj shpirtërore dhe për tu ndjerë më e freskët. Këtu janë disa ide për disa gjëra të vogla që ju mund të bëni për të rigjallëruar energjinë dhe entuziazmin tuaj:

• Praktikoni vazhdimisht ushtrimet joga. Këto ushtrime mund të jenë të lehta dhe ju mund të përshtateni me to shumë lehtë, në një moment të vetëm. Mos harroni të merrni frymë thellë. Nëse joga nuk është për ju, atëherë thjesht bëni 10 minuta aerobi.

• Bëni një dush. Ndizni disa qirinj, vendosni pak muzikë në sfond, dhe trajtojeni veten në mënyra të kushtueshme.

• Arratisuni nëpërmjet leximit. Koha e shpenzuar me leximin e një historie të një libri të mirë apo reviste, mund të shërbejë vërtet për të larguar mendjen tuaj nga e përditshmja, dhe gjithashtu mund t’ju ndihmojë për të mbajtur të stimuluar intelektin tuaj. Përfundimi i leximit të një libri (edhe pse duke lexuar vetëm disa faqe për çdo herë) mund t’ju bëjë ju që të ndiheni sikur keni kryer dhe përfunduar diçka për veten tuaj.

• Bëni ndonjë trajtim për veten tuaj – qoftë edhe vetëm një të vogël. Shkoni për një trajtim, në një sallon manikyri, pedikyri ose në një sallon për flokët.

• Dilni për të bërë pazar për veten tuaj. Edhe nëse juve nuk blini asgjë, “pazari në dritare” (vetëm duke parë, pa blerë diçka) është argëtues dhe i këndshëm.

Këshilla për prindërit: Dushi për fëmijën tuaj

 

‘Unë e fus djalin tim foshnje, në dush bashkë me mua. Është më pak i lodhshëm se sa kur i bëj një dush vetëm atij, dhe është shumë më tepër i këndshëm’ – K.

Ndani këshillat tuaja.